DisAbility on Stage

Hier geht es zu den Fotos…

Hüt gats mer guet und ich freu mich uf de Samstig, will d’Tizi Regie macht. Morn z’Abig gats so richtig um Horror-Film mit vill Randesaft und mit de Hämde. Das find ich spannend. Auf was sie macht find ich spannend. Und ich bin glücklich, dass mini besti Fründin wo ich han das mitem Horror macht. Das hani brucht. Will sie hat au bi minere Regie vom Horrorfilm mitgmacht. Ich han sie brucht als Meitli im Horrorfilm. D’Regie vo ihre isch mega spannend. Ihri Aawiisige sind amix okax, amix tuet sie mich bizeli stresse und sie tuet befehle. Trotzdem machi das gern. S’Probe findi guet, will mer chan probiere, was so gat. S’gat mir guet und ich bin glücklich und es isch spannend und ich freu mich. Ich will d’Regie vo de Tizi no es paar Mal gseh, au i de ganze Schwiiz und no wiiter weg. Au in Dütschland, so wie mini Regie in Berlin. Ich will au, dass d’Tizi ihres Stuck in Berlin spillt. Zum Schluss will ich säge, dass ich glücklich bin.
Baci vom Matthias Brücker (Schauspieler, Theater HORA)

Hier geht’s zum Trailer…

Verpasst nicht die Premiere!!!

Wann: Samstag, 5. März 2016, 19 Uhr

Wo: Im Backstein der Roten Fabrik, Zürich

Ticket-Bestellung

Am Morge hani toll gfunde, dass mir das mit de DVD gmacht händ, dass Tizi das zeiged hät. Bis am 12i hämmer das gmacht. Und am Namittag hämmer guet probed. Mit händ duregschaffed, aber au zwüscheddure Pause gmacht so 10 bis 15 Minuten. Also mi händ länger Pause gmacht als suscht. Nachher hämmer wiitergmacht, also wiiterprobed bis am halbi 5i. Mir drüü Schauspieler händ konzentriert gschaffed mit dä Tiziana. Au mit dä Stimm hämmer gschaffed und dä Ton mümer anebringe und d’Bewegig. Mi münd meh Stimm und meh Bewegig bruche. Mi döfed au mitbestimme und es isch e Useforderig. Aber es isch e gueti Stimmig. Mit Hüt bini zfride und morn will ich s’glich mache und am Samstig isch Uffüehrig mit Kostüm, wänn Tiziana das au will. Mir sind toll und ich han Spass mit de Tiziana und au de Erfolg chunt dezue und Überraschig bim Publikum.

(Text von Matthias Grandjean, Theater HORA)

Hüt am Morge hät mich interessiert, dass ich mich langsam bewege und dänn grossi Bewegige mach. Und dass ich am meiste mit de Beischer öpis gmacht han, aber das hät nöd klappet, will kein Mänsch bi mir hät chöne anehebe. Am beste gfalle hät mir, dass am Namittag öpis gändered hät, nämli dass 100 Hämder und der roti Randesaft uf de Bühne gläge sind. Mit däm hät d’Tiziana dänn nüt wele mache, aber ich freu mich mega wänn sie so wiiter macht mit eus. Sie macht mit eus en Horrorfilm. Mi münd so öpis wie en Tanz mache, aber es sind kei Szene. Aber es chönt sii, dass no öpis ändered. Und am Morge hämmer de DVD glueged und ich bin zimli verschrocke wo d’Puppe d’Hand weg gha hät. De Morge und de Namittag händ mir sehr gfalle. Am Namittag hät d’Tiziana miteme Stuck wele afange. Aber zerscht hämmer gmeint gha, mi müsstet richtig schminke mitem Randesaft. Aber das isch leider nöd so gsi. Mi händ so müse blibe. Und ich freu mich ufd Uffüehrig. Will d Tiziana isch die besti Regisseurin, will es hät mich vom Herz us berüehrt. Und die letschte paar Täg mit ihre schaffe, das was sie wükli vergässe hät, sind Abläuf. Das söt sie mal mache. Und ich freu mich uf morn, zäme mit ihre z’schaffe.

(Text von Gianni Blumer, Theater HORA)