Text: Gerhard Meister
Weiss o nümm uf youtube oder so isch das gsi u da het me sone Gürtu gseh, wome ume Boumschtamm cha lege u dä Gürtu isch när so anes Grät agschlosse gsi wo när zSchmärzensschreie vo däm Boum hörbar macht, we me ne umsaget. Weiss o nümm öb das jetz sich ärnscht gmeint gsi oder Kunscht oder irgend e Spinner, o a Schmärzensschreie vom Boum cha mi nümm erinnere, aber ds Biud isch mer irgendwie blibe.